RUS
SMARTNEWS.KZ басылымының хабарлауынша, Нағима Есқалиева «Әйелдер күйеулерін бөлісе білуі керек» деген сәтсіз қалжың көпшіліктің ашуына тиді.
Халық әртісі, танымал әнші Нағима Есқалиева қарым-қатынасқа қатысты айтқан әзілінің кесірінен желі қолданушыларының сынына ұшырады. Өнер иесі ер азаматтарды әйелдерге әділ «бөліп беруді» қалжыңмен айтқанымен, қоғам бұл пікірді жеңіл қабылдамады.
— Мен бұл мәселені парламентте көтергім келеді. Әйелдер күйеулерін меншіктеп алмай, бөлісуі керек. 43 жыл бойы бір адамды иеленіп, ұйықтау – масқара ғой, – деді әнші, күлкі араласқан үнмен.
Алайда бұл сөздер күлкі емес, көпшіліктің ызасын тудырды. Әлеуметтік желіде пікірлер қарша борады. Бірі әншінің сөзін сәтсіз қалжыңға балап, әзілдің шегін білмегенін айтса, енді бірі мұндай пікірлерді қоғамға зиянды деп есептеді.
«Өз күйеуі жалықтырған ба, әлде өзгенікін керек болып жүр ме?», «Бұл — алжығанның белгісі», «Миды тек әнге емес, сөзге де қосу керек шығар», «Тек осындай даурықпа әңгімелер айта ма?», «Қалжыңдап тұр ғой, бірақ сәтсіз қалжың», «Біздегі біртүрлі заңдар осындай ессіз бастамалардан басталады», - деді олар.